1ܠܹܐ ܝܘܸܢ ܐܵܙܵܕ؛ ܝܲܢ ܠܹܐ ܝܘܸܢ ܫܠܝܼܚܵܐ؛ ܝܲܢ ܠܝܼܫܘܿܥ ܡܫܝܼܚܵܐ ܡܵܪܲܢ ܠܵܐ ܚܙܹܠܝܼ؛ ܝܲܢ ܠܹܐ ܝܬܘܿܢ ܦܘܼܠܚܵܢܝܼ ܒܡܵܪܝܵܐ؛ 2ܘܐܸܢ ܠܐَܚܹܪَ̈ܢܹܐ ܠܹܐ ܝܘܸܢ ܫܠܝܼܚܵܐ؛ ܐܸܠܵܐ ܐܸܠܵܘܟܼܘܿܢ ܗܲܪ ܝܘܸܢ؛ ܣܵܒܵܒ ܡܵܘܗܪ ܕܫܠܝܼܚܘܼܬܝܼ ܐܲܚܬܘܿܢ ܝܼܬܘܿܢ ܒܡܵܪܝܵܐ. 3ܘܓ̰ܘܼܘܵܒܝܼ ܠܐܵܢܝܼ ܕܒܸܕܝܵܢܝܼ ܝܢܵܐ ܐܵܗܵܐ ܝܠܹܗ. 4ܠܲܝܬ ܠܲܢ ܗܲܩ ܠܹܐܟܼܵܠܵܐ ܘܠܸܫܬܵܝܵܐ؛ 5ܠܲܝܬ ܠܲܢ ܗܲܩ ܠܡܲܚܕܘܼܪܹܐ ܥܲܡܲܢ ܚܵܬܵܐ ܒܲܟܼܬܵܐ؛ ܐܲܝܟܼ ܫܠܝܼܚܹ̈ܐ ܐَܚܹܪَ̈ܢܹܐ؛ ܘܐܲܝܟܼ ܐܵܚܘܿܢܘܵܬܹ̈ܐ ܕܡܵܪܲܢ؛ ܘܐܲܝܟܼ ܟܹܐܦܵܐ؛ 6ܝܲܢ ܗܲܪ ܐܵܢܵܐ ܘܒܲܪܢܒܼܵܐ ܠܲܝܬ ܠܲܢ ܗܲܩ ܠܵܐ ܠܸܦܠܵܚܵܐ؛ 7ܡܵܢܝܼ ܟܹܐ ܥܵܒܸܕ ܣܲܪܒܵܙܘܼܬܵܐ ܒܚܲܪ̈ܓ̰ܹܐ ܕܓܵܢܹܗ؛ ܡܵܢܝܼ ܟܹܐ ܢܵܨܸܒܼ ܟܲܪܡܵܐ؛ ܘܡ̣ܢ ܛܥܘܼܢܝܵܬܘܼ̈ܗܝ ܠܵܐ ܐܵܟܼܸܠ؛ ܝܲܢ ܡܵܢܝܼ ܟܹܐ ܡܲܪܥܹܐ ܥܸܪ̈ܒܹܐ؛ ܘܡ̣ܢ ܚܲܠܒܼܵܐ ܕܥܸܪ̈ܒܹܗ ܠܵܐ ܐܟܸܠ؛ 8ܗܵܐ؛ ܐܲܝܟܼ ܒܲܪܢܵܫܵܐ ܐܲܢܹܐ ܒܹܐܡܵܪܵܐ ܝܘܸܢ؛ ܝܲܢ ܐܘܼܦ ܢܵܡܘܿܣܵܐ ܐܲܢܹܐ ܠܹܐ ܝܠܹܗ ܒܹܐܡܵܪܵܐ؛ 9ܣܵܒܵܒ ܕܟܬܝܼܒܼܵܐ ܝܠܹܗ ܒܢܵܡܘܿܣܵܐ ܕܡܘܼܫܹܐ؛ ܠܵܐ ܐܵܣܪܸܬ ܦܘܼܡܵܐ ܕܬܵܘܪܵܐ ܕܕܵܘܸܪ. ܥܲܠ ܬܵܘܪܹ̈ܐ ܟܹܐ ܐܵܟܼܸܠ ܚܲܡ ܐܲܠܵܗܵܐ؛ 10ܝܲܢ ܗܲܪ ܣܵܒܵܒ ܕܝܲܢ ܐَܡܝܼܪܹܗ؛ ܘܣܵܒܵܒ ܕܝܲܢ ܦܸܫܠܵܗ̇ ܟܬܝܼܒܼܬܵܐ؛ ܕܒܗܹܒܼܝܼ ܘܵܓ̰ܸܒ ܝܼܠܵܗ̇ ܠܡܵܚܝܵܢܵܐ ܕܟܪܹܒܼܵܐ ܡܵܚܹܐ ܟܪܹܒܼܵܐ؛ ܘܗ̇ܘ ܕܕܵܘܸܪ ܒܗܹܒܼܝܼ ܕܫܲܪܵܟܬܵܐ. 11ܐܸܢ ܐܲܚܢܲܢ ܡܸܢܕܝܵܢܹ̈ܐ ܪ̈ܘܼܚܵܢܹܐ ܙܪܹܥܠܲܢ ܐܸܠܵܘܟܼܘܿܢ؛ ܡܸܢܕܝܼ ܓܘܼܪܵܐ ܝܠܹܗ ܐܸܢ ܐܲܚܢܲܢ ܡܸܢܕܝܼܵܢܹ̈ܐ ܦܲܓܼܪ̈ܵܢܹܐ ܚܵܨܕܵܚ ܡܸܢܵܘܟܼܘܿܢ؛ 12ܐܸܢ ܐَܚܹܪَ̈ܢܹܐ ܫܵܪܟܝܼ ( ܒܐܵܗܵܐ) ܗܲܩ ܥܲܠܵܘܟܼܘܿܢ؛ ܐܲܚܢܲܢ ܠܵܐ ܙܵܘܕܵܐ؛ ܐܸܠܵܐ ܐܲܚܢܲܢ ܠܵܐ ܡܘܼܦܠܸܚܠܲܢ ܐܵܗܵܐ ܗܲܩ؛ ܐܸܠܵܐ ܟܠ ܡܸܢܕܝܼ ܒܸܩܒܵܠܵܐ ܝܘܵܚ؛ ܕܒܡܸܢܕܝܼ ܠܵܐ ܡܲܟܠܵܚ ܐܸܘܵܢܓܵܠܝܼܘܿܢ ܕܡܫܝܼܚܵܐ. 13ܠܹܐ ܝܬܘܿܢ ܒܝܼܕܲܥܝܵܐ ܕܐܵܢܝܼ ܕܓܵܘ ܒܹܝܬ ܩܘܼܕܫܵܐ ܦܵܠܚܝܼ؛ ܡ̣ܢ ܒܹܝܬ ܩܘܼܕܫܵܐ ܟܹܐ ܐܵܟܼܠܝܼ؛ ܘܐܵܢܝܼ ܕܠܡܲܕܒܚܵܐ ܦܵܠܚܝܼ؛ ܥܲܡ ܡܲܕܒܚܵܐ ܟܹܐ ܦܲܠܥܝܼ؛ 14ܗܲܕܟܼܵܐ ܐܘܼܦ ܡܵܪܲܢ ܦܩܸܕܠܹܗ؛ ܕܐܵܢܝܼ ܕܡܲܟܪܸܙܝܼ ܡܲܫܚܲܕܬܹܗ؛ ܡ̣ܢ ܡܲܫܚܲܕܬܹܗ ܚܲܝܝܼ. 15ܐܝܼܢܵܐ ܐܵܢܵܐ ܠܵܐ ܡܘܼܦܠܸܚܠܝܼ ܚܲܕَ ܡܐܲܢܹܐ. ܘܐܲܢܹܐ ܠܵܐ ܟܬܸܒܼܠܝܼ ܕܗܲܕܟܼܵܐ ܗܵܘܝܵܐ ܐܸܠܝܼ. ܣܵܒܵܒ ܨܦܵܝܝܼ ܝَܠܵܗ̇ ܐܸܠܝܼ ܕܡܝܵܬܵܐ ܡܵܝܬܸܢ؛ ܘܠܵܐ ܐَܢܵܫܵܐ ܫܘܼܒܼܗܵܪܝܼ ܥܵܒܸܕ ܒܵܛܝܼܠܵܐ. 16ܣܵܒܵܒ ܐܘܼܦ ܐܸܢ ܡܲܫܚܘܼܕܹܐ ܝܘܸܢ ܠܲܝܬ ܠܝܼ ܫܘܼܒܼܗܵܪܵܐ؛ ܣܵܒܵܒ ܐܵܢܵܢܩܹܐ ܡܘܼܬܸܒܼܬܵܐ ܝَܠܵܗ̇ ܥܲܠܝܼ؛ ܘܘܵܝ ܐܸܠܝܼ ܐܸܢ ܠܵܐ ܡܲܫܚܸܕܸܢ. 17ܣܵܒܵܒ ܐܸܢ ܒܪܸܙܵܝܝܼ ܐܵܗܵܐ ܦܵܠܚܸܢ؛ ܗܵܩܵܐ ܐܝܼܬ ܠܝܼ؛ ܐܝܼܢܵܐ ܐܸܢ ܠܵܐ ܒܪܸܙܵܝܝܼ؛ ܢܵܙܝܼܪܘܼܬܵܐ ܣܘܼܦܝܼܬܵܐ ܝَܠܵܗ̇ ܒܝܼܝܼ. 18ܒܲܣ ܡܘܼܕܝܼ ܝܠܹܗ ܗܵܩܝܼ؛ ܕܟܲܕ ܡܲܫܚܸܕܸܢ؛ ܥܵܒܼܕܸܢܵܗܿ ܡܲܫܚܲܕܬܹܗ ܕܡܫܝܼܚܵܐ ܕܠܵܐ ܚܲܪܓ̰ܠܸܚ؛ ܘܠܵܐ ܡܲܦܠܸܚܸܢ ܙܵܘܕܵܐ ܡ̣ܢ ܠܵܙܸܡ ܗܘܼܟܡܝܼ ܒܐܸܘܵܢܓܵܠܝܼܘܿܢ. 19ܣܵܒܵܒ ܕܟܲܕ ܐܵܙܵܕ ܝܘܸܢ ܗَܘܵܐ ܡ̣ܢ ܟܠܵܝܗܝ؛ ܠܟܠܵܝܗܝ ܙܘܼܒܛܸܢܝܼ ܓܵܢܝܼ؛ ܕܠܪܵܒܵܐ ܩܵܢܸܢ. 20ܘܗَܘܹܐܠܝܼ ܠܝܗَܘܼܕܵܝܹ̈ܐ؛ ܕܩܵܢܸܢ ܗَܘܵܐ ܠܝܗَܘܼܕܵܝܹ̈ܐ؛ ܘܠܐܵܢܝܼ ܕܝܼܢܵܐ ܬܚܘܿܬ ܢܵܡܘܿܣܵܐ؛ ܐܲܝܟܼ ܕܬܚܘܿܬ ܢܵܡܘܿܣܵܐ؛ ܕܩܵܢܸܢ ܠܐܵܢܝܼ ܕܝܼܢܵܐ ܬܚܘܿܬ ܢܵܡܘܿܣܵܐ؛ 21ܘܠܐܵܢܝܼ ܕܢܵܡܘܿܣܵܐ ܠܲܝܬ ܠܗَܘܿܢ؛ ܐܲܝܟܼ ܕܠܵܐ ܢܵܡܘܿܣܵܐ؛ ܟܲܕ ܠܹܐ ܝܘܸܢ ܠܐܲܠܵܗܵܐ ܕܠܵܐ ܢܵܡܘܿܣܵܐ؛ ܐܸܠܵܐ ܬܚܘܿܬ ܢܵܡܘܿܣܵܐ ܠܡܫܝܼܚܵܐ؛ ܕܩܵܢܸܢ ܐܘܼܦ ܠܐܵܢܝܼ ܕܝܼܢܵܐ ܕܠܵܐ ܢܵܡܘܿܣܵܐ. 22ܗَܘܹܐܠܝܼ ܠܙܲܒܘܼܢܹ̈ܐ ܐܲܝܟܼ ܙܲܒܘܼܢ؛ ܕܩܵܢܸܢ ܠܙܲܒܘܼܢܹ̈ܐ. ܠܟܠ ܐَܢܵܫܵܐ ܟܠ ܗَܘܹܐܠܝܼ؛ ܕܒܟܠ ܬܵܗܵܪ ܠܐَܢܵܫܹ̈ܐ ܡܸܢܵܝܗܝ ܦܵܪܩܸܢ. 23ܘܐܵܗܵܐ ܒܸܥܒܼܵܕܵܐ ܝܘܸܢ؛ ܒܚܵܬܸܪ ܕܡܲܫܚܲܕܬܵܐ؛ ܕܗܵܘܹܝܢ ܫܵܪܝܼܟܘܼܗܿ. 24ܠܹܐ ܝܬܘܿܢ ܒܝܼܕܲܥܝܵܐ ܕܐܵܢܝܼ ܕܪܵܚܛܝܼ ܒܡܲܝܕܵܢ ܟܠܵܝܗܝ ܟܹܐ ܪܵܚܛܝܼ؛ ܐܝܼܢܵܐ ܚܲܕَ ܟܹܐ ܫܵܩܸܠ ܠܵܗܿ ܓܼܵܠܝܼܒܘܼܬܵܐ؛ ܗܲܕܟܼܵܐ ܪܚܘܿܛܘܿܢ ܕܵܐܟܼܝܼ ܕܡܵܛܝܼܬܘܿܢ. 25ܘܟܠ ܐَܢܵܫܵܐ ܕܥܵܒܸܕ ܐܵܓܼܘܿܢܵܐ؛ ܒܟܠ ܡܸܢܕܝܼ ܟܹܐ ܕܵܒܸܩ ܓܵܢܹܗ؛ ܐܝܼܢܵܐ ܐܵܢܝܼ ܕܫܵܩܠܝܼ ܟܠܝܼܠܵܐ ܚܵܪܒܼܵܢܵܐ؛ ܐܝܼܢܵܐ ܐܲܚܢܲܢ؛ ܚܲܕَ ܠܵܐ ܚܵܪܒܼܵܢܵܐ. 26ܒܲܣ ܐܵܢܵܐ ܗܲܕܟܼܵܐ ܒܸܪܚܵܛܵܐ ܝܘܸܢ؛ ܠܵܐ ܐܲܝܟܼ ܕܥܲܠ ܡܸܢܕܝܼ ܠܵܐ ܝܕܸܥܝܵܐ؛ ܘܗܲܕܟܼܵܐ ܒܸܦܠܵܫܵܐ ܝܘܸܢ؛ ܠܵܐ ܐܲܝܟܼ ܕܗ̇ܘ ܕܡܵܚܹܐ ܠܗܵܘܵܐ. 27ܐܝܼܢܵܐ ܐܵܢܵܐ ܦܲܓܼܪܝܼ ܙܲܒܛܘܼܢܹܐ ܝܘܸܢ؛ ܘܡܵܐܘܘܼܗܝ ܝܘܸܢ ܬܚܘܿܬ ܪܹܓܘܼܬܵܐ؛ ܠܵܐ ܗَܘܹܐ ܕܟܲܕ ܠܐَܚܹܪَ̈ܢܹܐ ܡܘܼܟܪܸܙܠܝܼ؛ ܒܓܵܢܝܼ ܦܵܝܫܸܢ ܡܘܼܣܠܝܼܵܐ.